УИХ-ын гишүүн Г.Тэмүүлэн Өвөрхангай аймгийн төрийн байгууллагын удирдлагуудтай уулзжээ.

 УИХ-ын ээлжит бус чуулганаар гаргасан шийдвэрүүд, ЗГ-ын ирэх 4 жилийн үйл ажиллагааны төлөвлөгөө болон ирэх оны төсвийн төслийн талаар товч танилцуулга хийж, байгууллагын удирдлагуудын санал хүсэлтийг нь сонсож ярилцжээ.

Цэцэрлэгийн удирдлагуудын зүгээс Арвайхээр суманд 2,4,8,12 дугаар цэцэрлэгүүдэд өргөтгөл хийх, хүчин чадлыг нэмэгдүүлэх шаардлагатай,

Бага ангийн багш нарын хүрэлцээ муудаж байгаад анхаарах, 

Инженерийн дэд бүтэцтэй холбоотой үйл ажиллагааны зардал хүндрэлтэй байдаг болон төсөвт байгуулагуудад шаардлагатай их засварын зардал хаана ч хүрдэггүйг нэмэгдүүлэх,

Шинэ барилга байгууламж байгууламжийн зураг, төсөв хийлгэхэд хүндрэл үүсдэгийг хэрхэн шийдвэрлэх зэрэг саналыг дэвшүүлжээ.

Эрхзүйн орчныг сайжруулах үүднээс төрийн байгууллага төрдөө НӨАТ төлдөг тогтолцоог өөрчлөх, сургууль цэцэрлэгийн эрхлэгч нарт тавигддаг тусгай шаардлага хүндрэл үүсгэж байгааг залруулах зэрэг ажил хэрэгч саналууд гарчээ.

Мөн Өвөрхангай аймгийн Бүсийн оношлогооны төв болон Цагдаагийн байгууллагын үйл ажиллагаатай газар дээр нь танилцаж санал, хүсэлтийг нь сонсчээ. 

Цагдаагийн байгууллагаас сүүлийн жилүүдэд цахим залилан ихээр нэмэгдэж, улмаар урьдчилан сэргийлэх арга хэмжээ авч байгаа ч үр дүн төдийлөн муутай байгааг ярьжээ.

Бүсийн оношлогооны төвд 560 орчим эмч албан хаагчид ажиллаж байна. Цаашид их засвар шийдвэрлэх болон MRI зэрэг тоног төхөөрөмжтэй болох шаардлага байгааг уламжилжээ.

#ӨВӨРХАНГАЙ

#ТӨРИЙН_БАЙГУУЛЛАГА