Эрүүл мэндийн Хөгжлийн төвөөс төрийн албан хаагчийн ажлын байранд тавигдах үндсэн ур чадвар, ажил мэргэжлийн үйлчилгээ үзүүлэх чадавхыг нэмэгдүүлэх зорилгоор сургалт зохион байгууллаа.
Тус сургалтыг Монгол Улсын гавьяат хуульч, Төрийн албаны Тэргүүн зэргийн тэргүүн түшмэл Н.Чадраабал удирдан явуулсан бөгөөд “Төрийн байгууллага, албан тушаалтнаас иргэдийн өргөдөл, гомдлыг хянан шийдвэрлэх нь” сэдвээр лекц уншиж мэдлэг боловсролыг олголоо.
Тэрээр энэ үеэр “Төрийн албан хаагч бол өөрийгөө тасралтгүй хөгжүүлж, суралцагч байх ёстой”-г онцолж,  иргэдийн санал, хүсэлт, өргөдөл, гомдлыг хүлээн авч, шуурхай шийдвэрлэх, хариу өгөх, хэрхэн шийдвэрлэсэн талаарх мэдээ, тайланг ил тод мэдээлэх үүрэгтэйг анхаарууллаа.
Үүнээс гадна Хэл шинжлэлийн ухааны магистр Б.Алтанцэцэг “Архив, албан хэрэг хөтлөлт” сэдэвт онол, дадлага хосолсон сургалтыг амжилттай зохион байгууллаа. Сургалтанд Эрүүл мэндийн хөгжлийн төвийн  53 албан хаагч хамрагдсан юм.