Эрүүл мэндийн яам нь сум орон нутгийн иргэдэд үзүүлэх эрүүл мэндийн хүртээмжийг сайжруулах, алслагдсан бүс нутагт амьдарч буй иргэдэд эрүүл мэндийн үйлчилгээг хурдан, шуурхай, цаг алдалгүй хүргэх зорилго тавин ажиллаж байна.

Энэ хүрээнд өнөөдөр Улсын төсвийн хөрөнгө оруулалт Эрүүл мэндийн сайдын багцаас Өмнөговь аймгийн Бүсийн оношилгоо эмчилгээний төвд эмнэлгийн зориулалттай туулах чадвар өндөртэй, бүрэн тоноглогдсон Land Cruiser-78 маркын авто машиныг гардууллаа.
Тус үйл ажиллагаанд Эрүүл мэндийн яамны Төрийн нарийн бичгийн дарга Ц.Эрдэмбилэг, УИХ-ын гишүүн Н.Наранбаатар болон Өмнөговь аймгийн Бүсийн оношилгоо эмчилгээний төвийн удирдлага оролцлоо.