Хүндийн өргөлтийн Азийн аварга шалгаруулах тэмцээн Бахрейны нийслэл Манама хотод үргэлжилж байна.

Өчигдөр манай улсаас эмэгтэйчүүдийн -76 кг жинд О.Дархижав огцом өргөлтөөр 98 кг-ыг өргөж мөнгөн медаль хүртжээ. Тэрээр огцом өргөлтөд Казахстаны Арай Нурлыбековагаас (Нийлбэр дүнгээр мөнгөн медаль хүртсэн) 1 кг илүү өргөсөн ч нийлбэр дүнгээр хоцорч дөрөвдүгээр байр эзэлсэн байна.

Азийн аваргын эхний өдөр манай улсаас эмэгтэй -59 кг жинд Э.Энхтамир огцом өргөлтөөр мөнгөн медаль, хоёр дахь өдөр Г.Анужин огцом өргөлтөөр хүрэл, нийлбэр дүнгээр хүрэл медаль хүртээд байсан юм.