ГҮЙЦЭТГЭЛИЙН ҮНЭЛГЭЭГЭЭР 1-4 ДҮГЭЭР ТҮВШИНД ЭРЭМБЭЛЭГДСЭН БАГШ НАРТ 10-25 ХУВИЙН УРАМШУУЛАЛ ОЛГОНО…

Сангийн яам төсвийн реформыг Боловсрол, шинжлэх ухааны яамтай хамтран энэ салбараас эхлүүлэхээр шийдвэрлэсэн. Тиймээс гүйцэтгэл, үр дүнд суурилсан санхүүжилтийн тогтолцоог боловсролын салбарт нэвтрүүлж, энэ хүрээнд Боловсролын үнэлгээний төв 2022 оны 5 дугаар сард багш нарын гүйцэтгэлийн үнэлгээг улсын хэмжээнд анх удаа зохион байгуулсан. Үнэлгээнд 655 сургуулийн 29324 багш хамрагдаад байна. Багш нарыг үнэлэхдээ 

Суралцагчид боловсрол эзэмшүүлэх үйл ажиллагааны ахиц, үр дүн

Суралцагчийг хөгжүүлэх, төлөвшүүлэх үйл ажиллагааны ахиц, үр дүн 

Багшийн мэргэжлийн хөгжлийн ахиц үр дүн 

Сургуулийн болон олон нийтийн үйл ажиллагаанд оруулсан хувь нэмэр зэргийг 5-45 оноогоор дүгнэсэн. 

Багшийг үнэлэхийн тулд бичгийн шалгалт болон асуулга, судалгааны аргачлалуудыг ашигласан. Энэ үнэлгээнд 

 Багш өөрөө

 Суралцагч 

 Сургалтын менежер 

 Сургуулийн захирал 

 Заах аргын нэгдлийн ахлагч 

 Эцэг эх асран хамгаалагч 

 Нийгмийн ажилтнууд хамрагдаж өөр өөрийн үнэлгээг өглөө. 

Гүйцэтгэлийн үнэлгээг зохион байгуулахдаа ухаалаг тайлангийн систем буюу BI технологийг ашигласан. Үнэлгээний үр дүнд 

 Нийслэлийн багш нар 73,9 хувь 

 Аймгийн төвийн багш нар 72,8

 Сумын багш нар 70,9 хувийн дундаж үзүүлэлттэй үнэлэгдсэн байна. 

Урамшуулал авах шатлалын тухайд, 

 I түвшин 947 багш 

 II түвшин 2982 багш 

 III түвшин 3351 багш 

 IV түвшин 5016 багш багтаж 10-25 хувийн урамшуулал авахаар боллоо. Энэ нь нийт багш нарын 40 хувь болж байна.

Гүйцэтгэлийн үнэлгээг цаашид жил бүр зохион байгуулах бөгөөд өөрийн өмнөх үр дүнгээ ахиулж чадсан багш нар дараа дараагийн жилд урамшуулалд хамрагдах боломж нээлттэй байна. Мөн энэ хичээлийн жилд сургуулийн өмнөх боловсрол, мэргэжлийн боловсролын багш нарыг хамруулна.