АНУ-ын Тээврийн яамны Ази-Номхон далайн бүс хариуцсан ахлах менежер ноён Жозеф Трэйни Монгол улсад анх удаа хийж буй айлчлалынхаа хүрээнд, АНУ-аас Монгол Улсад суугаа Элчин сайдын яамны төлөөлөгчдийн хамт дотоодын төмөр замын байгууллагуудын үйл ажиллагаатай танилцжээ. 

Уулзалтаар Монгол Улсын дэд бүтцийн хөгжлийн төлөвлөгөө, шинээр хэрэгжүүлэх төмөр замын төслийн талаар мэдээлэл солилцож, дэлхий нийтээр анхаарал хандуулж буй байгаль орчин, уур амьсгалын өөрчлөлтийн хүрээнд авч хэрэгжүүлэх арга хэмжээний төлөвлөгөөний талаар сонирхож, цаашид хамтран ажиллах боломж нөхцөлийн  талаар  харилцан санал солилцжээ.