Монголын үндэсний олон нийтийн телевизийн тулгын чулууг тавилцан, хэвлэл мэдээллийн салбарт 50 гаруй жил хөдөлмөрлөж, олон мянган нэвтрүүлэг, реклам сурталчилгаа, зуу зуун баримтат киноны тайлбарыг ард түмэндээ хүргэж, Төрийн ёслол, хүндэтгэлийн арга хэмжээнүүдийг мэргэжлийн түвшинд хөтлөн явуулж, салбарын олон арван алдартныг бэлтгэн төрүүлсэн, телевиз, радиогийн нэвтрүүлгийн чанарыг сайжруулахад оруулсан бүтээлч санаачилга, хэвлэл мэдээллийн салбарын хөгжилд оруулсан жинтэй хувь нэмрийг нь үнэлэн Монголын үндэсний олон нийтийн радио, телевизийн ахмад ажилтан, Соёлын гавьяат зүтгэлтэн Гончигжавын Чулуунбат, Монголын үндэсний олон нийтийн радиод тасралтгүй 40 гаруй жилийн хөдөлмөрөө зориулж,  улс төр, нийгэм, эдийн засгийн олон мянган мэдээллийг ард түмэндээ сонордуулсан, шинэ залуу боловсон хүчнийг сурган дадлагажуулахад гаргасан хичээл зүтгэл болон радио нэвтрүүлгийн 100 гаруй бүтээл туурвин Монголын радиогийн алтан фондыг баяжуулсан, хэвлэл мэдээллийн салбарын хөгжилд оруулсан бодит хувь нэмрийг нь үнэлэн Монголын үндэсний олон нийтийн радиогийн ахмад ажилтан, Соёлын гавьяат зүтгэлтэн Гаваагийн Отгон нарыг Төрийн дээд шагнал Сүхбаатарын одонгоор шагнажээ.