Өнөөдөр УИХ-ын гишүүн асан Н.Номтойбаярын төрсөн өдөр тохиож байна

Өнөөдөр /2022.07.02/ УИХ-ын гишүүн асан ХНХ-ын сайдаар ажиллаж байсан Н.Номтойбаярын төрсөн өдөр тохиож байна. Тэрбээр 43 нас хүрч байгаа аж. Түүний хувьд

  • 1986-1995 Нийслэлийн 10 жилийн 45 дугаар дунд сургууль
  • 2001 онд
    АНУ-ын Индиана мужийн Валпарайсо Их Сургууль Улс төрийн шинжлэх ухаан, Практик бизнесийн хос мэргэжлээр тус тус төгссөн.
  • АЖИЛЛАСАН БАЙДАЛ
    2001-2005 онд
    Тагнуулын ерөнхий газар
    2005-2008 онд
    "Монголын Алт" /MAK/ ХХК-д Төслийн менежер
    2008-2009 онд
    Тагнуулын ерөнхий газар
    2009 онд
    "Монголын Алт" /MAK/ ХХК-д Тамгын газрын захирал
    2010 онд
    "Эдийн засгийн бодлого, өрсөлдөх чадварын судалгааны төв" ТББ-ын Удирдах зөвлөлийн гишүүн
    2010 онд
    "Монголын Алт" /MAK/ ХХК-д Бодлогын зөвлөлийн гишүүн, Дэд ерөнхийлөгч
    2012 онд
    Нийгмийн хамгаалал, хөдөлмөрийн дэд сайд, Нийгмийн даатгалын үндэсний зөвлөлийн дарга
    2012-2016 онд
    Монгол Улсын Их Хурлын гишүүн
    2016 оноос
    Монгол Улсын Их Хурлын гишүүн
    2016-2017 онд
    Монгол Улсын Засгийн газрын гишүүн, Хөдөлмөр, нийгмийн хамгааллын сайд
    ШАГНАЛ
    2012 онд
    Нийгмийн хамгаалал, хөдөлмөрийн тэргүүний ажилтан
    2014 онд
    Алтангадас одон
    ГАДААД ХЭЛ- Англи

Мөн 2020 оны УИХ-ын сонгуульд бие даан Хан-Уул дүүрэгт нэр дэвшиж, нэр дэвшигчийн үнэмлэхээ авсных нь дараа түүнийг цагдан хорьсон юм. Тодруулбал, УИХ-ын сонгуульд нэр дэвшигчдэд үнэмлэх гардуулснаар албан ёсоор сонгуулийн сурталчилгаагаа эхлүүлдэг. Нэр дэвшигчийн үнэмлэхийг нь баталгаажуулсны дараа Н.Номтойбаярыг саатуулсан нь олон хууль зөрчсөн хэмээн өмгөөлөгчид, ар гэрийнхэн нь ч мэдээлж байлаа.

Сонгуулийн тухай хуулиар нэр дэвшигчийг нотлох баримттай, үйлдэл дээр нь бариагүй бол саатуулахгүй заалттай ч Н.Номтойбаярыг саатуулж, нэр дэвшигчийнх нь үнэмлэхийг түүний аав Б.Нямтайшир гардан авч, сонгуулийн сурталчилгааны хугацаанд түүний сонгуулийг удирдсан юм.

Тэрээр шүүх хуралд: Зээл авахаар шалгарсан 29 төслөөс надтай хамаарал бүхий иргэн, хуулийн этгээд байхгүй ба миний бие албан тушаалын байдлаа урвуулж бусдаар дамжуулан хэн нэгэнд давуу байдал олгосон зүйл ч мөн байхгүй. Харин миний бие Сайд болохоос өмнөх үе үеийн Засгийн газар олон арван тэрбум төгрөгийг эргэн төлөлтгүйгээр олгож байсныг таслан зогсоож, 100 хувь эргэн төлөлттэй болгож өөрийгөө гавьяа байгуулсан гэж үзэж байна гэж өмнөх шүүх хурлуудад хэлж байжээ.