Эрүүл мэндийн сайд С.Энхболдын өгсөн үүрэг чиглэлийн дагуу Улсын I, II, III эмнэлгүүдийн эмч мэргэжилтнүүдээс бүрдсэн Судсан дотуурх мэс заслын мэргэшлийн Үндэсний баг Ховд аймгийн Бүсийн Оношилгоо Эмчилгээний төвд ажиллаж байгаа аж. Ховд аймгийн Бүсийн Оношилгоо Эмчилгээний төвд ЭМЯ-ны хөрөнгө оруулалтаар шинээр суурилагдсан Ангиографийн оношилгоо эмчилгээний иж бүрэн аппаратын үйл ажиллагааг эхлүүлэн цаашдын тогвортой ажиллагааг нь хангах, үр дүнтэй ашиглалтыг сайжруулах чиглэлээр орон нутгийн эмч нарт мэргэжил арга зүйн зөвлөгөө өгч, тусламж үйлчилгээний төрөл хүрээг өргөжүүлэн иргэд үйлчлүүлэгчдэд зүрх, тархи судасны судсан дотуурх мэс заслын төрөлжсөн мэргэшлийн хамтарсан үзлэг оношилгоо, эмчилгээг хийж зөвлөгөө өгөх зорилгоор 6 дугаар сарын 25-29 -ний өдрүүдэд Ховд аймагт ажиллах аж.